Ermənistan əlavə olaraq daha 78 ədəd ATAGS yedəkli artilleriya sisteminin alınması ilə bağlı danışıqlar aparır. Bu barədə “Indian Defense Research Wing” (IDRW) məlumat yayıb. Bu, əvvəllər Ermənistana təhvil verilmiş, ölkənin müxtəlif landşaftlarında müstəsna imkanlar nümayiş etdirən ATAGS-in uğurlu fəaliyyətinin nəticəsidir. Altı haubitsadan ibarət ilk partiya Ermənistanda həm yüksək dağlıq ərazilərdə, həm də düzənliklərdə geniş sınaqdan keçirilib. Sınaqlar uzun məsafələrdə dəqiqliyi və yüksək etibarlılığı təsdiqləyib, bu da Ermənistan hakimiyyətini daha geniş miqyasda satın almağı düşünməyə vadar edib. Ermənistan Müdafiə Nazirliyindən bildirilib ki, ATAGS-ın yeni partiyasını təkmilləşdirmək üçün hərbçilərin istəklərini ifadə edib. Artıq silahın işini asanlaşdıran erməni dilində interfeys də var. Ermənistanın artilleriya sistemini ordusunun xüsusi tələblərinə uyğunlaşdırmaq üçün kiçik təkmilləşdirmələr təklif edəcəyi gözlənilir. Əlavə 78 ədəd ATAGS qurğusu üçün perspektiv saziş Ermənistan və Hindistan arasında artan müdafiə əməkdaşlığında növbəti mərhələdir. Qeyd edək ki, son illər Ermənistan Hindistanın silahlarının əsas alıcısına çevrilib.
Hərbi ekspert Emil Həsənli “Sherg.az”a bildirib ki, Ermənistan hələ də ağlını başına yığmayıb:
“Müharibədən sonra biz düşünürdük ki, Ermənistan reallığı qəbul edəcək. Amma Ermənistan əksinə olaraq Fransa, Hindistan kimi ölkələrdən silahlanmağa başlayıb. Həmin silahlar isə hücum silahlarıdır. Əvvəllər Ermənistan bəhanə gətirərək bildirirdi ki, müdafiə silahları alırıq. Ermənistanın qonşuluğunda Azərbaycan, Türkiyə, İran və Gürcüstan olmaqla dörd ölkə yerləşir. Ən böyük qonşuluğu isə Azərbaycanladır. Sual yaranır Ermənistan sözügüdən ölkələrin hansıyla savaşa hazırlaşır ki, belə silahlara sahiblənir? Lakin Ermənistanın hərbi, iqtisadi, siyasi resursları həmin ölkələrin heç biri ilə müharibə aparmağa imkan vermir. Ermənistan uzun müddət Rusiyanın ən müasir silahlarını əldə etdi. O silahlanan zaman hesab edirdi ki, Azərbaycanın yeni ərazilərini işğal edə biləcək. Azərbaycan Ordusu isə qısa müddət ərzində torpaqlarını işğaldan azad etdi. Daha sonra bir günlük lokal xarakterli antiterror əməliyyatları nəticəsində Azərbaycan öz suverenliyini qazandı. Bu gedişlə Ermənistanın dövlət olaraq mövcudluğu sual altına düşəcək. Ermənilər Türkmənçay müqaviləsindən sonra, yəni bölgəyə köçürüldükdən sonra işğal, soyqrımı, separatizm siyasətini həyata keçiriblər. Ermənilərin belə addımları sonsuza qədər davam edə bilməz. Ermənistanın arxasında duranlar onun ağlını başına gətirməlidir. Çünki dəmir yumruq hər an yerindədir. Əks halda ermənilər gəldikləri yerə qayıdacaqlar”.
