“Rəsmi İrəvanın Azərbaycanla Ermənistan arasında sərhədlərin delimitasiya və demarkasiyası üzrə ikitərəfli komissiyanın işində imitasiya etməsi mümkündür”.
Bu sözləri “Sherg.az”a açıqlamasında politoloq Məhəmməd Əsədullazadə deyib.
Ekspert bildirib ki, komisiyanın yaradılması heç də sülhün əldə edilməsi və ikitərəfli sərhədlərin tam tanınması demək deyil:
“Ermənistan baş naziri Nikol Paşinyan çalışacaq ki, komissiyanın işini, anklavlarla bağlı məsələni uzatsın. Həmçinin, Qarabağda silahlı erməni birləşmələrinin çıxarılması təmin edilməsin. Məsələ ondadır ki, Ermənistan tərəfi razılaşmalara əməl etmədiyi, silahlı erməni birləşmələri çıxarılmadığı müddətcə, Azərbaycan güc tətbiq etməkdən çəkinməməlidir. Ermənistanın heç bir şərti qəbul edilməməlidir. Azərbaycanın bütün şərtləri beynəlxalq qanunlara əsaslanır və Ermənistanın dövlət maraqlarına zidd deyil. Amma məğlub Ermənistanın şərtləri beynəlxalq qanunlara ziddir. Ona görə də Ermənistanla sülhə tələsməməliyik. İki ölkə arasında problemlər qalmaqdadır. Diplomatik müstəvidə savaş davam edir. Müharibənin sərhədə daşınmaması üçün Ermənistan rəhbərliyi ortaya siyasi iradə qoymalıdır”.
