Diplomatların Şuşaya səfəri zamanı İran mollası Seyid Əliəkbər Ocaqnejadın pişnamazlıq etməsi diqqət çəkib. Bəziləri məsələni siyasiləşdiriblər. Siyasi analitik, jurnalist Azər Həsrət bu barədə deyib: “İran ömrü boyu Ermənistanı dəstəkləyib və dəstəkləməyə də davam edir. Boğulmaqda olan Ermənistanın tək bir nəfəsliyi var, o da İrandır!
Üstəlik də bu şarlatanlar Azərbaycana "müsəlman qardaşlarımız" deyib o tərəfdə də erməniyə hər cür dəstək verirlər. Ona görə də bu adamların Şuşa daxil işğaldan azad edilmiş heç bir torpağımıza ayağı dəyməməlidir!”.
Ağ Partiya sədri Tural Abbaslı isə “Sherg.az”a açıqlamasında məsələni siyasiləşdirməyin əleyhinə olduğunu bildirdi:
“Əlbəttə, könül istərdi ki, öz axundumuz pişnamazlıq etsin. Amma, görünür, hansısa məşvərət olub. Bu, dini ayin olduğuna görə çox tənqid etmək istəmirəm. Fikrimcə, cəmiyyətdə ajiotaj yaradan hadisə barədə izah veriləcək”.
