63 saylı birinci Sabirabad seçki dairəsindən deputatlığa namizəd olan tanınmış jurnalist, iqtisadçı-ekspert Razı Abasbəyli seçki prossesindəki fəaliyyət proqramı ilə bağlı müraciət ünvanlayıb.
Jurnalist müraciətində bildirir ki, Sabirabad rayonunun Cavad kəndində kasıb orta məktəb müəllimi olan bir ziyalı ailəsinə anadan olub:
“Uşaqlıq illərim 90-cı illərin əvvələrində ölkəmizdə müharibə şəraiti və çətin sosial bir dönəmdə keçib. Uşaq ikən böyürtkən kollarından böyürtkən yığıb, çöllərdən yabanı bitən çöl süpürgələri toplayıb, qurumuş ağacları doğrayıb satmaqla ailəmə kömək olub, təhsil almışam. Əkin, biçin tarlasında işləyərək min bir əziyyətlə halal zəhmətimizlə böyümüşəm, təhsil almışam. Cavad, Həsənli, Balvar, Surra, Qəzli, Quruzma, Məmişlər, Suqovşan, Qalaqayın, Axıska, Qaralı, Zəngənə, Yolçubəyli, Kürkəndi və başqa onlarca kəndlərdə məni və ailəmi, qohumlarımı tanıyan minlərlə insan var. O İnsanlar bilir ki, babalarım, atam, doğmalarım hər zaman dövlətimizin və dövlətçiliyimizin yanında olub və hər zaman insanlarımızın sevgisindən, hörmət və ehtiramından başqa heç bir qazanca göz dikməmişik. 1996-cı ildə Aran regionu üzrə ABŞ-ın Azərbaycandakı səfirliyi və Milli Demokratiya İnstitunun Azərbaycan Təhsil Nazirliyi ilə birgə keçirdiyi “ABŞ-da ali təhsil proqramı”nda region üzrə 1-ci olmuşam. Amma ilkin olaraq illik təhsil haqqını, 25 min ABŞ dollarlıq təhsil haqqını atam orta məktəb müəllimi olduğuna görə ödəyə bilmədim. Ona görə də mən xaricdə təhsil ala bilmədim. Bugünə qədər 3 dəfə seçki prossesində deputatlığa namizədliyimi irəli sürmüşəm. Bu seçkilərdə, 2020-ci ilin növbədənkənar Milli Məclis seçkilərində yenidən deputatlığa namizəd olmuşam. Dövlət başçımızın gənclərə seçkilərdə aktiv iştirak müraciəti və dairəsini tanıyan insanlarla ünsiyyətdə olan namizədlərin iştirak etməklə bağlı tövsiyyəsindən sonra bu prossesə qatılmışam. Artıq namizədliyim qeydə alınıb. Bütün Sabirabad camaatına müraciət edirəm! Dəyərli həmyerlilərim, canım sabirbadlılarım indi söz sizindir. Tək bir sözüm var: Allah camaatımızdan razı olsun!”.
