Bakı “ictimai asayişin bərpa edilməsi” adı ilə müdaxilə etmək imkanlarını nəzərdən keçirə bilər
“Xankəndidəki separatçı-terrorçu rejimin qondarma “təhlükəsizlik şurası”nın iclasını keçiriblər”. Bunu “Şərq”ə siyasi şərhçi Asif Nərimanlı deyib. Analitik bildirib ki, həmişə “xarici təhlükə” adı ilə Azərbaycanın mümkün anti-terror əməliyyatlarına hazırlaşan separatçılar bu dəfə “daxili təhlükəsizliyi” müzakirə ediblər: “Əsas məqam “asayişi pozan şəxslərin müəyyən edilməsi”dir və bu, Ermənistandakı proseslər fonunda təsadüfi deyil. “Qarabağ klanı”nın separatçı rejimi ələ keçirmək, İrəvana Xankəndidən təzyiq etmək planı var. Bu məqsədlə Xankəndidə silahlı qarşıdurma yaradıla bilər.
Ötən ay “general-mayor” Samvel Karapetyanın Xankəndidə silahlı atışması da bu senarinin mümkünlüyünü aktuallaşdırdı. Araikin “daxili təhlükəsizlik” və “asayişi pozan şəxslər” məsələsini gündəmə gətirməsi buna hesablanıb. Bu, Xankəndidə silahlı toqquşmanın yaşana biləcəyi ehtimalını önə çıxarır. Bu senari işə düşərsə, Bakı “ictimai asayişin bərpa edilməsi”, “erməni vətəndaşların təhlükəsizliyinin qorunması” əsası ilə müdaxilə etmək məsələsini gündəmə gətirə bilər”.
