"Ərəbistandan gələn toz - dumanı ilə əlaqədar ilk növbədə allergik xəstəliyi olan şəxslər özünü qorumalıdır”.
Bunu "Sherg.az”a bu gün Ərəbistan yarımadasından cənub-qərb küləyi vasitəsilə Azərbaycan ərazisinə toz-dumanın daxil olmasının mənfi təsirlərindən danışarkən Təcili Tibbi Yardım Stansiyasının həkimi Şahvələd Məmmədov söyləyib.
Əhaliyə bundan qorunma yollarını çatdıran həkim qeyd edib ki, bronxial astma, bütün növ allergiyası olan xəstələr qorunmalıdır:
"Qorunma isə adi tənzif maskalar, kritik hallarda xüsusi aspiratorlar vasitəsilə təmin edilə bilər. Elə xəstələr var ki, adi hava dəyişikliyi baş verdikdə belə bu cür problemlər yaşayır. Söhbət ağır xəstələrdən gedir.
Ümumiyyətlə, sadə tədbirlər görməklə fəsadların qarşısını almaq olar”.
Qeyd edək ki, proses gecə saatlarından başlayıb. Ekologiya və Təbii Sərvətlər Nazirliyindən bildirilib ki, hələlik Abşeronda toz cüzi hiss olunur, amma gün ərzində artacağı gözlənilir.
Aysel Aslan
