Milli Məclisin İqtisadi siyasət, sənaye və sahibkarlıq komitəsinin sədri Ziyad Səmədzadə parlamentin iclasında büdcə müzakirələri zamanı əməkhaqlarından danışıb.
Sherg.az-ın xəbərinə görə, Z.Səmədzadə deyib ki, Azərbaycanda əməkhaqları digər ölkələrlə müqayisədə çox aşağıdır:
"Bu da onunla bağlıdır ki, müəssisələrdə əməkhaqlarının uçotu düzgün aparılmır. Hesab edirəm ki, vergilər sistemində nəzərdə tutulan dəyişikliliklər heç şübhəsiz ki, gələcəkdə Azərbaycanda vergi bazasının artmasına, büdcə gəlirlərinin və onun strukturunun daha da yüksəlməsinə öz təsirini göstərəcək. O zaman real əməkhaqları da üzə çıxacaq”.
Z.Səmədzadə həmçinin banklardan narazılıq edib:
"Azərbaycan banklarında faiz dərəcələri yüksəkdir. Dünya ölkələrinin bir neçəsində yüksək faiz dərəcələri var onlardan biri də bizdədir. Bunun səbəbləri var. İnflyasiyadan qorxuruq. İnflyasiyanı cilovlamaq lazımdır. Amma yığışıb biz bir qərara gəlməliyik. 2,3 5 ildən sonra biz faiz dərəcələrini azaltmağa getməliyik. Çünki ölkə üzrə faiz dərəcələrinin səviyyəsi bank kreditlərindən bir neçə dəfə yuxarıdır”.
Anar
