"Ərdoğan və Putinin görüşündən Dağlıq Qarabağ münaqişəsinin Azərbaycanın ərazi bütövlüyü çərçivəsində həllinə dair nəticə gözləmirəm”.
Bunu "Sherg.az”a "Bu gün Rusiya prezidenti Vladimir Putinlə, türkiyəli həmkarı Rəcəb Tayyip Ərdoğan arasındakı görüşdən gözləntilərini şərh edərkən millət vəkili Asim Mollazadə deyib. Parlamentari diqqətə çatdırıb ki, prezidentlərin görüşündə Dağlıq Qarabağ münaqişəsi barədə Rusiya Türkiyə ilə razılığa gəlib, ciddi addım atmayacaq:
"Ərdoğan-Putin görüşünün əsas mahiyyəti ikitərəfli münasibətlər, Orta Şərq və Suriya problemləridir. Ona görə, bu məsələlər ətrafında daha ciddi müzakirələr aparılacaq. Dağlıq Qarabağla əlaqədar isə hansısa nəticələri gözləməməliyik”.
Qeyd edək ki, Türkiyə Cumhurbaşqanı Rəcəb Təyyib Ərdoğanın rusiyalı həmkarı Vladimir Putinlə görüşünə saatlar qalıb. R.T.Ərdoğan bu görüşdə Qarabağdan da danışmaq istəyir. Ancaq qarşı tərəf siyasi dividentlər əldə etmədən Qarabağ münaqişəsinin həllini sürətləndirməyəcək.
Aysel Aslan
