Bura Hindistandır və deyəsən, burada yalnız inəklər müqəddəs sayılır. Qalan heyvanları isə yandırmaq da olarmış…
"Sherg.az" Daily Mail qəzetinə istinadən xəbər verir ki, aşağıdakı foto "Cəhənnəm buradadır” adı altında Sanctuary jurnalında dərc olunub. Foto Hindistanın Qərbi Benqaliya ştatında vəhşi təbiət üzrə ixtisaslaşmış fotoqraf Biplab Hazra tərəfindən çəkilib. Fotodan göründüyü kimi quduzlaşmış insan kütləsi filləri yandırır. Ana filin ayağı hələ də alov içindədir, arxasınca gələn bala fil isə fotonun adında qeyd edildiyi kimi "cəhənnəm işgəncələri” altındadır. Arxa fonda da fillərdən düzəldilmiş "tonqallar” görünür.
