Milli Şuranın növbədənkənar parlament seçkilərini boykot edə biləcəyini açıqlaması cəmiyyətdə müzakirəyə səbəb olub. Siyasi şərhçi, STM-in baş məsləhətçisi Tural İsmayılov hadisəni belə qiymətləndirib:
“Ölkə başçısının həyata keçirdiyi sosial və kadr islahatlarının cəmiyyətdə iqtidara olan inamı daha da artırmağı anti-Azərbaycan dairələri və Milli Şuranı ciddi formada narahat edir. Son dövrlər xüsusən Sosial Tədqiqatlar Mərkəzinin həyata keçirdiyi rəy sorğuları da ölkə başçısının cəmiyyət içərisində nə qədər yüksək reytinqinin olduğunu nümayiş etdirdi.
Belə olan formada, icra hakimiyyətlərində həyata keçirilən islahatlar PA-da həyata keçirilən struktur islahatları ilə davam etdirildi. Və YAP iqtidarı özünün nüfuzunun durmadan artdığı bir durumda siyasi cəsarət nümayiş etdirərək parlamentin buraxılmağı və növbədənkənar seçkilərin keçirilməsi üçün dövlə başçısına müraciət etdi.
Bütün bu islahatlar isə Əli Kərimli və radikal siyasi qruplaşmaları ciddi formada narahat edir. Birincisi, iqtidar dayanmadan reformlar həyata keçirir. Bunların başında kadr islahatları dayanır.
Kadr yoxluğundan əziyyət çəkən AXCP və dəstəsi isə başda 20 ildən çoxdur eyni adamın sədrliyinə düçar olub və qətiyyən iqtidarla müqayisəolunmaz durumdadır.
İkincisi, Prezidentə və hakimiyyətə olan inamın daha da güclənməsi siyasi marginalların olmayan ümidlərini daha da puç edir. Üçüncüsü, Parlament seçkilərinə qatılmaq üçün uyğun bazası və namizədlərin yoxluğu boykot kimi mənasız çağırışlara səbəb olur. Dördüncüsü, siyasi missiyası seçkilərdə iştirak olan AXCP Əli Kərimlinin ucbatından bu gün seçkiləri boykot etməyə köklənən və məramı 150 nəfərlik aksiyalar olan siyasi qrup halına gəlib.
Beşincisi isə zamanın yeni çağırışlarının islahat olduğunu anlamayan radikal müxaliflər üçün yenilik çağı sadəcə botlar və trolların saxta laykları ilə sərhədlənib”.
