Məlum olduğu kimi bu gün Dünən Azərbaycan Respublikasının Prezidenti cənab İlham Əliyevin sərəncamı ilə Gəncə Şəhər İcra Hakimiyyətinin başçısı Elmar Vəliyev vəzifəsindən azad olunub, onun yerinə Niyazi İbrahimov təyin edilib.
Xatırladaq ki, N. İbrahimov bundan əvvəl Mingəçevir Şəhər İcra hakimiyyətinin başçısı vəzifəsini tuturdu.
Etibarlı mənbədən aldığımız məlumata görə, E.Vəliyevin vəzifədən alınması qərarı ona qarşı törədilmiş sui-qəsddən sonra uzunmüddətli müalicəyə və bərpaya ehtiyac duyması ilə bağlıdır.
Xatırladaq ki, bugünlərdə E.Vəliyevin müalicə aldığı müddətdə görüntüləri üzə çıxdı. Sözügedən görüntülər də sabiq icra başçısının hələ tam sağlamlığa qovuşmadığını gösətərir.
Həkimlər onun iş qabiliyyətini tam bərpa etməsinin uzun zaman tələb etdiyini bildirirlər. Buna görə də Gəncə kimi böyük və mühüm şəhərin meri postunu uzun müddət boş saxlamaq məqsədəuyğun
hesab olunmur. Bu səbəbdən də, dünən prezident ikinci böyük şəhərə icra başçısı təyin edib.
