"Hazırda mənzil bazarında vəziyyət stabildir”.
Bu barədə "Sherg.az”a mənzil bazarıda son vəziyyəti dəyərləndirərkən ekspert Ramil Osmanlı bildirib.
Onun sözlərinə görə,son zamanlar mənzil bazarında təsir göstərəcək əhəmiyyətli dəyişiklik müşahidə olunmur:
"Bunun da əsas səbəblərindən biri bazara pul axınları ilə bağlıdır. Son dövrlərdə mənzil bazarına pul axınları sabitləşib. Yalnız ipoteka kreditləri istisna olmaqla bu səhəyə kəskin valyuta daxil olmaları nəzərə çarpmır. Hələki bazarda tələb və təklifin strukturunda, qiymətlərdə heç bir dəyişiklik müşahidə olunmur. Məncə, bu tendensiya ilin sonuna kimi dəyişməz qalacaq. Bildiyimiz kimi, sosial ipoteka kreditlərinə ayrılan vəsaitlərin həcmi artırılıb. Həmçinin növbəti il bazara pul axının artacağı proqnozlaşdırılır. Bu faktorlar baş verərsə, gələn ilin birinci rübündən etibarən bazarda müəyyən bahalaşma baş verə bilər".
R.Osmanlı onu da qeyd edib ki, bu ərəfələr əhalinin alıcılıq qabiliyyətini müsbət qiymətləndirmək mümkün deyil:"Son illər bazarda aparılan əməliyyatların həcmi göstərir ki, mənzil alğı-satqısının sayında hər hansısa bir artım müşahidə olunmur. Bu o zaman baş verir ki, daha çox infrastruktur və şəhərsalma layihələri ilə bağlı söküntülər zamanı vətəndaşlara, əhaliyə ödənilən kompensasiyalar geri, bazara qaytarılır. Indiki halda belə tendensiyalar baş vermir. Söküntülər zamanı əhaliyə yalnız mənzil verilir. Nəğd pul ödənişi olmur. Buna görə də, mənzil bazarında müsbət dəyişiklik müşahidə olunmur”.
Kənan Eynuroğlu
