"ATƏT-in Minsk qrupunun həmsədrlərinin Qarabağ münaqişəsinin həlli ilə bağlı bəyanatı Irəvanın zəruri addımlar atmasına çağırışdır".
Bunu "Sherg.az"a açıqlamasında Cənubi Qafqaz Sülh və Münaqişələrin Həlli Mərkəzinin rəhbəri Məhəmməd Əsədullazadə deyib.
Ekspert bildirib ki, Paşinyanın çıxışları, separatçıları danışıqlara cəlb etmək cəhdləri konfliktin həllinə zərbə vurur: "Helsinki Yekun Aktına əsaslanmaqla bir daha ərazi bütövlüyünün təmin edilməsi önə çəkilir. Bu, münaqişənin həllinə ədalətli yanaşmadır. Amma, burada referendumun qeyd edilməsi yolverilməzdi. Ümumiyyətlə Qarabağda referendum Azərbaycana qarşı tələdir. Yenilənmiş Madrid prinsipləri yalnız Qarabağın hüquqi statusunu özündə ehtiva edir. Bu da Azərbaycanın ərazi bütövlüyü çərçivəsində həll deməkdir. Buna baxmayaraq, bu bəyanat Ermənistana təzyiq kimi qiymətləndirilməlidir. Bununla bir daha ərazi bütövlüyü önə çəkilməklə Ermənistanı işğal olunmuş ərazilərdən çıxarılması təsbit edilir. Bu, yüksək səviyyəli siyasi bəyanat kimi münaqişənin həllində önəmli hüquqi-siyasi sənəddir.
Ismayıl
