İşğaldan azad olunmuş Cəbrayıl və Zəngilan rayonları ərazisində daha dörd sərhəd zastavası rəsmən fəaliyyətə başlayıb.
Oxu.Az-ın cəbhə bölgəsinə ezam olunmuş müxbirinin məlumatına görə, İranla sərhəddə Soltanlı, Xələfli, Qumlaq və Xudafərin zastavalarında Azərbaycanın dövlət bayrağı qaldırılıb və bu zastavalar xidməti döyüş fəaliyyətinə başlayıb.
İşğaldan azad olunmuş ərazilərdə İranla sərhəd hissəsində 14 sərhəd zastavasından artıq altısı fəaliyyətdədir.
