"Mətbuata dövlət tərəfindən kifayət qədər deyə bilmərəm, amma müəyyən qədər pul ayrılıb”.
Bunu "Sherg.az”a millət vəkili Aqil Abbas deyib.
Deputat bildirib ki, bu il Kütləvi İnformasiya Vasitələrinin İnkişafına Dövlət Dəstəyi Fonduna (KİVDF) ayrılan maliyyə yardımı bir qədər artırılacaq:
" Mətbuata imkan daxilində pul ayrılır. Bu, dünya da mövcud olmayan bir təcrübədir. Dəqiq rəqəm yadımda deyil, amma bu ilin büdcəsindən mətbuata ayrılan maliyyə yardımı artırılıb.
Bir ziyalı kimi istəyərəm ki, müəllimlərə və həkimlərə, xüsusilə müəllimlərə lazımi maaş verilsin. Müəllimlərin maaşlarının artırılmasına hamımız çalışmalıyıq. Lakin bir məsələni yaddan çıxarırlar. Biz 25 illik müstəqillik tarixi olan dövlətik. Gücümüz, büdcəmizin imkanları yetdiyi qədər maaşları, təqaüdləri, mətbuatın yardımlarını artıra bilərik.
Kimisə o birindən artıq tutmaq lazım deyil. Azərbaycan demokratik ölkədir, ona görə, hər kəsə fəaliyyətinə, əməyinə görə maaş verilməlidir. Yəni, "Mən Aqil Abbasam, deputatam mənə çox pul verməlisiniz” deyə bir şey yoxdur.
Bu cür yanaşma düzgün deyil. Hər kəs gördüyü işin müqabilində, zəhmətinə uyğun maaş almalıdır. Bu gün biz bunu verə bilmiriksə, iqtisadi problemlərimiz, müharibə şəraitində yaşamağımız və s. buna mane olur. Bütün bunları da nəzərə almalıyıq".
Aysel Aslan
