Parlamentdə 2018-ci ilin Büdcə Zərfi müzakirə edilir.
Sherg.az bildirir ki, İqtisadiyyat komitəsinin sədri Ziyad Səmədzadə büdcədən danışıb:
"Cənab prezident 2 milyard ton neftin çıxarılması ilə bağlı keçirilən tədbirdə çıxışı zamanı bildirdi ki, bu sahədə əldə edilən uğurlar Azərbaycan neftçilərinin gərgin əməyinin nəticəsidir. Son 10 ildə Neft Fondundan büdcəyə 76 milyard dollar transfer gəlib.
Bununla yanaşı qeyri-neft sektoru da inkişaf edir. Prezident də bildirib ki, qeyri-neft sektorunun inkişafı bizim üçün prioritetdir”.
Deputat vurğulayıb ki, son illərdə Azərbaycanda bir sıra yeni sənaye müəssisələri yaranıb: "Hesab edirəm ki, onlara innovativ yeniliklər tətbiq edilməlidir və təkmilləşdirilməlidir. Bu sənaye parklarında 600 milyon manatlıq məhsul istehsal olunub. Sənaye parkları respublikanın müxtəlif yerlərində fəaliyyət göstərir.
Bu gün Azərbaycan dövlətinin iqtisadi təhlükəsizliyini təmin edən nəqliyyat sistemi var. Azərbacan nəqliyyatının yeni strategiyasının hazırlanması bu işdə böyük rol oynayır.
Texnoparklar, sənaye məhəllələri vergilərdən azaddır. Bunlar vergidən azad olmayasdı, büdcənin gəlirləri daha çox ola bilərdi. İqtisadi potensial artdıqca, belə müəssisələrin vergidən azad olması halları da aradan qalxacaq”.
Anar
