"Manatın məzənnəsinin qorunmasında Mərkəzi Bankın (MB) rolu böyükdür".
Bu barədə "Sherg.az"manatın gələcək taleyi ilə bağlı danışarkən iqtisadçı -ekspert Vüqar Bayramov bildirib.
Onun sözlərinə görə, 2018-ci ildə manatın məzənnəsinin dəyişməsi birbaşa MB-nın mövqeyindən asılıdır:"
Proqnozlaşdırdığımız kimi, bu ilin dekabr ayında dollara tələbin artması müşahidə olundu. Bu tələbat idxalın artması, xarici borc öhdəlikləri və eyni zamanda səfərlərin çoxalması ilə bağlı idi. Yanvarda isə bu tələbat azaldı. Və bu gözlənilən idi. Güman olunur ki, fevral ayında dollara tələbat azalacaq, ona görə ki, bu ayda idxalın həcmi və xarici səfərlərin sayı azalır".
Ekspert onu da əlavə edib ki, il ərzində manatın məzənnəsi birbaşa neftin dünya bazarındakı qiymətindən asılı olacaq:"MB-dən bildirilib ki, neftin dünya bazarındakı qiyməti manatın məzənnəsinin qorunmasında böyük rol oynayır. Bu mənada 2018-ci ildə manatın məzənnəsi həm neftin dünya bazarındakı qiymətindən, həm də MB-ın qiymət siyasətindən asılı olacaq. MB-nın mövqeyi əhəmiyətli olduğuna görə, manatın məzənnəsini dəqiq proqnozlaşdırmaq qeyri-mümkündür. Bununla yanaşı proqnozlaşdırılır ki, cari ildə MB məxsusi olaraq avqust və dekabr aylarında dollara olan tələbi qarşılamağa çalışacaq. Bütövlükdə bu ilin mart, avqust və dekabr aylarında dollara olan tələbin artacağı gözlənilir. Amma bunun manata təsiri MB-nin mövqeyindən asılı olacaq".
Kənan Eynuroğlu
