Parlamentin bugünkü iclasında gələn ilin büdcəsi müzakirə edilir. Sherg.az bildirir ki, sənədlərin müzakirəsi zamanı Milli Məclisin gələn il üçün xərclər smetası layihəsi barədə İşlər idarəsinin müdiri Firudin Hacıyev məlumat verib. Onun sözlərinə görə, 2018-ci il dövlət büdcəsində Milli Məclis və onun aparatının saxlanması üçün 24 mln. 232 min 55 manat vəsait nəzərdə tutulub: "Milli Məclis və onun aparatının saxlanması ilə bağlı 2018-ci ilin xərclər smetası layihəsi qanunvericilikdə nəzərdə tutulmuş qaydalara uyğun hazırlanıb. Xərclər smetası, ştat cədvəlləri, inzibatı binaların, mühəndis qurğularına xidmət göstərən təşkilatlarla bağlanan müqavilələr və proqnozlar əsasında tərtib edilib. Xərclər smetasının ümumi dəyərinin 68,8 faizi əmək haqqı fondu və əmək haqqına olan əlavələr təşkil edir. Son illər ölkədə aparılan məqsədyönlü siyasətin nəticəsi olaraq Azərbaycan parlamentinə xarici ölkələrdən gələn qonaqların və Milli Məclisin deputatlarının xaricə səfərlərinin, eləcə də ölkədaxili ezamiyyələrin sayı xeyli artıb. Bununla bağlı, 2018-ci ilin xərclər smetasında göstərilə bəzi maddələr üzrə vəsaitin çatışmamasını nəzərə alaraq xarici ezamiyyə xərcləri 200 min manat, digər alış və xidmətlər yarımmadəsinə 300 min manat, mətbəə xərcləri paraqrafına 50 min manat, avadanlıqların alınması yarımmadəsinə 100 min manat, icarə və müzdluxidmətlər paraqrafına 200 min manat, o cümlədən Milli Məclisin avtoparkının yaxşılaşdırılması məqsədi ilə yeni avtomaşınların alınmasına və göstərilən maddələr üzrə cəmi 1 milyon 200 min manat vəsaitin ayrılmasını sizdən xahiş edirəm”.
Anar
