Yeddinci mərtəbədən döşək üzərinə yıxılan uşaq Moskvanın Speranski xəstəxanasından evə buraxılıb.
APA-nın RİA Novosti-yə istinadən verdiyi xəbərə görə, bu barədə paytaxtın Səhiyyə İdarəsi məlumat yayıb.
Hadisə iyul ayının sonunda Moskovski Komsomolets küçəsində baş verib. Binanın bir qolu olmayan mühafizəçi binanın 7-ci mərtəbəsinin pəncərədə yeddi yaşlı uşağın nəzarətsiz şəkildə olduğunu görür. Dərhal təhlükəsizlik tədbirləri görməyi qərara alır və uşağın düşəcəyi yerə döşəklər düzməyə başlayır. Bir qədər sonra uşaq pəncərədən yerə yıxılır və həmin döşəklər onun həyatını xilas edir.
Uşaq beyin silkələnməsi və əzaların qırıqları diaqnozu ilə xəstəxanaya yerləşdirilir. Azyaşlı dərhal cərrahi əməliyyat edilir. Əməliyyat uğurla keçib.
İki həftədən sonra uşaq sağalaraq evə buraxılıb. Həkimlərin qənaətinə görə, 7 yaşlı paytaxt sakini bir neçə aydan sonra normal aktiv həyata qayıdacaq.
