"Minimum əmək haqqının artırılması və müxtəlif sahələr üzrə əmək haqqının artırılması müsbət addımdır”.
Bunu "Sherg.az”a açıqlamasında politoloq Məhəmməd Əsədullazadə deyib.
Analitik bildirib ki, xalqımız neftdən gələn gəlirdən bəhrələnməlidir:
" Dünyada yeni nizam formalaşır, ölkədə gənc nəsil yetişib, yəni nəsili kənar təsirlərdən qorumaq üçün mütləq şəkildə ölkədə sosial müdafiə sahəsində işlər yüksək səviyyədə təşkil edilməlidir, iş yerləri artırılmalıdır.
Əmək haqları artırılmalı, amma bazar qiymətləri artan maaşları kölgədə qoymamalıdır. Ölkədə azad sahibkarlıq olmadığı üçün qiymətlər manapoliyadadı. Ona görə də dövlət özü bazara qarışmalıdır”.
Politoloq vurğulayıb ki, xalqımız öz yaşayış səviyyəsini özü də yaxşılaşdıra bilər:
"Yetər ki, inzibatçılıq tam aradan qaldırılsın. Həmçinin, maaşların artırılması davamlı olmalı, qeyri-neft sektorunun inkişafı həyata keçirilməlidir. Xalq olaraq rifah halında yaşamalıyıq. Hökumətin də mahiyyəti xalqa xidmətdir”.
İsmayıl
