"The Wall Street Journal" mənbələrə istinadən xəbər verir ki, dünyanın ən böyük əyləncə və media şirkəti olan "American Walt Disney Co" televiziya biznesini yenidən qurmağı planlaşdırır ki, bu da bölmələrin birləşdirilməsi və yüzlərlə iş yerinin ixtisarı demək ola bilər.
Teleqraf xəbər verir ki, "Disney" rəhbərliyi layihənin təfərrüatını müzakirə edir və layihənin hazırlanması 2027-ci ilə qədər təxirə salına bilər.
İxtisarlar ABC Entertainment, 20th Television, Hulu Originals, National Geographic və Freeform şirkətlərinin rəhbər heyəti arasında aparılacaq.
Yeni tədbirlər, şirkətin həddindən artıq böyümüş strukturunu sadələşdirmək üçün daha geniş səylərin bir hissəsi olacaq və çoxsaylı fərqli bölmələr bir-birinin funksiyalarını təkrarlayır.
"Disney" şirkətinin prezidenti Dana Uolden 1 oktyabrda keçirilən mətbuat konfransında şirkətin televiziya biznesini mərkəzləşdirmək istədiyini açıqlayıb və təşkilati strukturun daim nəzərdən keçirilməsinə ehtiyac olduğunu deyib.
İxtisarlar artıq bir sıra "Disney" xidmətlərinə təsir edib. Çərşənbə axşamı 300-dən çox insan işdən çıxarılıb, onların əksəriyyəti insan resursları və İT şöbələrində çalışıb. Hüquqi məsələlər və beynəlxalq münasibətlər ilə məşğul olan şöbədə də ixtisarlar planlaşdırılır. Onun rəhbəri Horasio Qutyerres rəsmi məktubunda komandasının "daha kiçik" olacağını yazıb və bunu avtomatlaşdırma tədbirlərinin tətbiqi ilə izah edib.
2025-ci ilin sentyabr ayının sonuna olan məlumata görə, Disney şirkətinin işçi qüvvəsi təxminən 231.000 nəfər idi.
