"Ölkə başçısı bütün güc strukturlarında xidmət keçən və çalışan hərbçi və mülki şəxslərin aylıq vəzifə maaşlarının orta hesabla 40 faiz qaldırılması haqqında sərəncam imzalayıb”.
"Sherg.az”ın xəbərinə görə, bu barədə hərbi ekspert, ehtiyatda olan polkovnik-leytenant Üzeyir Cəfərov sosial şəbəkədə yazıb.
Ekspert sərəncamın sentyabr ayının 1-dən qüvvəyə minəcəyini bildirib:
"Bilirəm ki, bu məsələ ilə bağlı çoxlu suallar və müraciətlər olacaq. Bildirirəm ki, bu Sərəncam həm xidmətdə olan, həm də ehtiyatda, istefada olan bütün şəxsi heyətə aiddir. Sərəncam yalnız həqiqi hərbi xidmətdə olan əsgər və çavuşlara aid deyil. Güc strukturlarının mülki şəxsləri ilə bağlı bütün qurumlar yaxın aylarda öz təkliflərini verməlidirlər.
Yəni, orta hesabla 40 faizi keçməməklə maaş artımı rəsmiləşməlidir. İstənilən halda çox ciddi artımdır. İnşallah, hamımız xeyrli və uğurlu işlərə sərf edək. Hələ bu ay Silahlı Qüvvələr günü ilə əlaqədar da bəzi yeniliklərin olacağı gözlənilir. Tanrı Azərbaycanımızı qorusun! İşğal altında olan torpaqlarımızın tezliklə geri alınması bayramını qeyd edək. Allah Şəhidlərimizə rəhmət, əlil və veteran qardaş və bacılarımıza firavan ömür payı nəsib etsin”.
İsmayıl
