"Azərbaycanda qızıl-gümüş bazarında qiymətlərin azalan trend üzrə davam etməsi dünya bazarə ilə əlaqədardır”.
Bu sözləri "Sherg.az”a qızıl-gümüş bazarında qiymətlərin azalmasına təsir edən amillər haqqında danışarkən iqtisadçı-ekspert Rəşad Həsənov söyləyib.
Ekspertin qənaətincə, qızıl-gümüş bazarında qiymətlərin artıb- azalması yalnız Azərbaycandakı proseslərlə bağlı deyil:
"Uzun müddətdir ki, dünya birjalarında qızıl və digər qiymətli metalların qiymətində azalmalar müşahidə olunur. Ölkəmizin qızıl bazarı da dünya bazarı ilə birbaşa əlaqəlidir. Yəni dünya bazarında hər hansısa bir məhsulun qiyməti dəyişdikdə onun təsirləri daxildə də hiss olunur. Dünya birjalarında qızılın bir unsiyası 85 dollar təşkil edir. Bu da 3 ay bundan əvvəlki qiymətlərlə müqayisədə 12 faiz ucuzdu. Qısa müddətli dövrdə dünya bazarının daxili bazara təsiri az olur. Lakin uzun müddətli dövrlərdə təsirlər artır. Azərbaycana əsasən Türkirə, BƏƏ,
Hindistan, Səudiyyə Ərəbistanı və Rusiyadan qiymətli metallar idxal olunur. Bundan başqa ölkənin qızıl bazarında bir neçə dəfə durğunluq baş verib. Həmin vaxtlar isə məhərləmlik və orucluq aylarında olub. Bunun səbəbi Azərbaycanda qızılın investisiya vasitəsi kimi yox, zinnət əşyası kimi istifadə edilməsi ilə bağlıdır.
Beləliklə də ölkədə toyların çox olduğu vaxtlarda tələblə əlaqədar olaraq qiymətlər dəyişir. Bundan başqa qızılın qiymətinin düşməsi sahibkarların fəaliyyətinə mənfi təsir göstərir. Baha qiymətə alınmış məhsulların dəyərinin enməsi rəqabətə də təsir göstərir. Önümüzdə olan iki ay müddətində qızılın qiyməti azalan dinamika üzrə davam edəcək. İki aydan sonra bəlkə tələbin artması ilə dünya birjalarında qızılın qiyməti arta bilər”.
Kənan Eynuroğlu
