"İşğal olunmuş ərazilərimizdə girov saxlanan azərbaycanlılar Dilqəm Əsgərov və Şahbaz Quliyev haqqında beynəlxalq təşkilatlar, eyni zamanda hüquq sistemləri qarşısında işlərimizi davam etdirməliyik”.
Bunu "Sherg.az”a Vəkillər Kollegiyasının sədri Anar Bağırovun Dilqəm Əsgərov və Şahbaz Quliyevin işi ilə bağlı görülən tədbirlər haqqında fikirlərinə münasibət bildirərkən millət vəkili Asim Mollazadə söyləyib.
O qeyd edib ki, işğal olunmuş torpaqlarımızda yerləşən cinayətkar rejim beynəlxalq hüquq normalarını nəzərə almır:"Ermənistana qarşı beynəlxalq təşkilatlar tərəfindən sanksiya tətbiq olunmasa, bu rejimi yola gətirmək mümkün deyil. Bu vəziyyət davam etdikcə, Ermənistan beynəlxalq hüququn heç bir prinsipinə riayət etməyəcək. Lakin Azərbaycan bu istiqamətdən öz işlərini davam etdirməlidir. Beynəlxalq təşkilatların qarşısında girovların hüquqlarını müdafiə tədbirlərini artırmalıyıq. Həmçinin dünya birliyindən Ermənistanın cinayətləri ilə bağlı müvafiq qərarlar verilməsini tələb etməliyik”.
Qeyd edək ki, Vəkillər Kollegiyasının sədri Anar Bağırov ermənilərin Kəlbəcərdə girov götürdükləri azərbaycanlılar - Dilqəm Əsgərov və Şahbaz Quliyevin işi ilə bağlı Avropa Məhkəməsi ilə yazışmaların davam etdirildiyini açıqlayıb. O bildirib ki, oradan gələn bütün sorğulara cavab hazırlanaraq göndərilir.
Aysel Aslan
