Bu gün sizi internet dünyasının yeni fenomen pişiyi Jasper ilə tanış edəcəyik.
Sfenks pişiyi olan Jasper hər iki gözündən məhrumdur. Onun görüntüsü sizi ürəkdən sarsıdacaq.
Hamıya bu şirin Jasperin hekayəsi maraqlıdır.
Lent.az xarici KİV-ə istinadən Jasper haqqında bəzi təfərrüatları təqdim edir:
Jasper dünyaya gələndə hər iki gözü sağlam idi. 2013-cü ildə buynuz qişasında iltihab olduğundan bir gözünü itirib. İlk əməliyyatından beş il sonra digər gözünü də çıxarmaq məcburiyyətində qalıblar. Hə, gözlərini itirməsinin tək bir təsəllisi var idi: heç olmasa, keçmişdəki ağrılarından qurtuldu.
Sahibi Keli deyir ki, özündən başqa 5 nəfər də Jasperin döyməsini bədəninə vurdurub. Bəlli ki, bu balaca və sevimli pişik hər kəsin ürəyini oğurlamağı bacarıb. İnstaqram hesabında pişiyinin şəkillərini paylaşan Keli, insanlara pişik sevgini aşılamağı bacardığına ümid edir. O istəyir ki, pişik sahiblənmək istəyən insanlar az sevgi görmüş, yaşlı və ya əlil olan pişiklərə bir şans versinlər.
