"Yeni ildən mənzil bazarında qiymətlərdə ciddi artım, tələbdə isə azalma müşahidə olunur”.
Bunu "Sherg.az”a daşınmaz əmlak məsələləri üzrə ekspert Ramil Osmanlı bildirib.
Onun sözlərinə görə, daşınmaz əmlak bazarında ümumi prosesləri tam olaraq təhlil etməyə bir ay və ya 20 gün müddət yetərli deyil:
"Mənzil bazarında orta ekspozisiya müddəti minumum iki aydan yuxarıdır. Ona görə də, mənzil bazarında yeni il lə əlaqədar prosesləri təhlil etmək üçün ən azı iki ay dinamikanı gözdən keçirmək lazımdır. Amma hazırda daşınmaz əmlak bazarında elə bir hərəkət olmasa da, qiymətlərdə ciddi artım müşahidə olunur.
Lakin bu qiymət artımının səbəbi bizə də məlum deyil. Yeni ilin ilk günlərində indiyə kimi qiymət artımına və digər amillərə görə mənzil bazarında tələb çox aşağıdır. Əgər bazara pul axınları və.s artsa, vəziyyət normallaşar. Amma bu pul axınları da daha ipoteka kreditləri ilə bağlıdır. Hər zaman ilin sonu da ipoteka kreditlərində durğunluq yaşandığı üçün hələlik bu sahədə dinamika müşahidə olunmur. Yəqin ki, ayın sonundan etibarən ipotekalar verildikcə, müəyyən aktivləşmə müşahidə olunacaq.
Eyni zamanda büdcə xərcləri üzrə daşınmaz əmlak bazarında bəzi infrastruktur layihələr fevral ayının ortalarından etibarən başlayır. Amma bu kimi proseslər indi olmadığı üçün tələbdə ciddi artım müşahidə olunmur”.
Kənan Eynuroğlu
