ABŞ prezidenti Donald Tramp bildirib ki, Birləşmiş Ştatların sərhədlərinin açıq olması ölkənin Demokrat Partiyasını narahat etmir.
"Report" xəbər verir ki, bu barədə Ağ Ev rəhbəri özünün "Twitter" səhifəsində yazıb.
"Bir şey sübut edilib. Demokratları ABŞ-ın açıq sərhədləri və cinayətlər və həmin açıq sərhədlərlə gətirilən narkotiklər narahat etmir", - deyə ABŞ prezidenti yazıb.
Daha əvvəl Ağ Ev rəhbəri yazıb ki, Demokrat Partiyası üzvlərinin Birləşmiş Ştatların Meksika ilə sərhəddə divarın inşa edilməsini dəstəkləmək istəməmələri onların kütbeyinliyini göstərir.
