Həbsdə olan bloger Ata Abdullayev azadlığa buraxılıb.
APA xəbər verir ki, bununla bağlı Xəzər rayon Məhkəməsi qərar verib.
Ata Abdullayev vaxtından öncə azadlığa buraxılmaq üçün Xəzər rayon Məhkəməsinə müraciət edib.
Məhkəmənin bu gün çıxardığı qərara əsasən, o, cəzadan şərti olaraq vaxtından əvvəl azad edilib.
Xatırladaq ki, Ata Abdullayev 2021-ci ilin mart ayında həbs olunub. O, Cinayət Məcəlləsinin 182.2.2 (hədə-qorxu ilə tələb etmə) maddəsi ilə təqsirli bilinərək Bakı Ağır Cinayətlər Məhkəməsinin hökmü il 7 il azadlıqdan məhrum edilib. Bakı Apellyasiya Məhkəməsi və Ali Məhkəmə hökmü qüvvədə saxlayıb.
Qeyd edək ki, Ata Abdullayevin azadlığa buraxılması ilə bağlı ilkin xəbəri bakues.az saytı yayıb.
