Tanınmış rejissor Kənan Mahmudov (Kənan MM) və yazıçı Orxan Saffari polisə çağırılıb.
Lent.az-ın əldə etdiyi məlumata görə, onların hər ikisi Nəsimi rayon Polis İdarəsinə dəvət olunublar.
Orxan Saffari Lent.az-a açıqlamasında polisə çağırıldığını təsdiqləyib. Bildirib ki, hazırda idarəyə gedir.
Kənan MM isə telefon zənglərinə cavab verməyib.
Qeyd edək ki, yazıçı Orxan Saffari tanınmış rejissor Kənan Mahmudov haqqında tənqidi fikirlər səsləndirib.
Kənan Mahmudov isə sosial media hesabında onu tənqid edən Orxan Saffarini təhqir edib.
Rejissorun təhqir dolu paylaşımı sosial şəbəkə istifadəçiləri tərəfindən xoş qarşılanmayıb.
