Teleaparıcı Roza Syabitova hazırda şəxsi həyatında münasibətlərə yer ayırmağı planlaşdırmadığını açıqlayıb.
Sherg.az xəbər verir ki, Syabitova sosial şəbəkələrdə fəal olduğunu və burada nənələr nəslinin baxışlarını təmsil etdiyini bildirib. O, bu fəaliyyəti mümkün qədər uzun müddət davam etdirmək istədiyini deyib.
"Kənddəki malikanəmi lazımi vəziyyətdə saxlamaq üçün pul qazanmalıyam. Kişilər isə planlarıma daxil deyil, çünki bu, həm fiziki, həm emosional, həm də maliyyə baxımından xərc tələb edir", – deyə teleaparıcı vurğulayıb.
Syabitovanın sözlərinə görə, uzun illər ərzində qurduğu həyat tərzini dəyişmək niyyətində deyil. O, hazırkı yaşından məmnun olduğunu və yenidən gənc olmaq istəmədiyini də qeyd edib.
Teleaparıcı əlavə edib ki, yaxın planları arasında nəvəsi ilə birlikdə istirahətə getmək xüsusi yer tutur.
Xatırladaq ki, Syabitova bundan əvvəl tanışlıq saytlarından istifadə edənlərə ehtiyatlı olmağı tövsiyə edərək, həmin platformalarda çoxlu dələduzun fəaliyyət göstərdiyi barədə xəbərdarlıq etmişdi.
