Ermənistan Baş naziri Nikol Paşinyan bütün ermənilərin katolikosu və Erməni Apostol Kilsəsi ilə bağlı yeni əmr verib.
Teleqraf xəbər verir ki, bu barədə “Hraparak” qəzeti məlumat yayıb.
“Baş nazir kilsəni (onun siyasi fəaliyyətlərini) dəstəkləyən müxalif qüvvələrə paralel olaraq, kilsəyə qarşı artıq aparılan müharibəyə yeni təkan verməyi tapşırıb. Yaxın vaxtlarda yeni səs-küylü həbslərin olacağı istisna edilmir”, - erməni nəşri bildirib.
Ətraflı
Ad - 00:08
Xatırladaq ki, bundan əvvəl Ermənistan Baş naziri Nikol Paşinyan bütün ermənilərin katolikosu II Qaregini subaylıq andını pozmaqda ittiham edib. Paşinyanın sözlərinə görə, subaylıq andını pozaraq övlad sahibi olan Qaregin artıq Erməni Apostol Kilsəsinin rəhbəri ola bilməz. Həmçinin o, katolikosu Ermənistan dövlətinin maraqlarına qarşı fəaliyyətlərdə günahlandırıb.
Ermənistan hökumətinin başçısı Erməni Apostol Kilsəsinə yeni katolikosun seçilməsi üçün seçkilərə və bu məqsədlə koordinasiya şurasının yaradılmasına çağırıb.
