“Ukrayna üçün gərgin məqam yaxınlaşır. Buna görə ABŞ Konqresi növbəti yardım paketini tezliklə təsdiqləməlidir”.
APA-nın yerli mətbuata istinadən xəbərinə görə, bunu Ukraynanın Prezident Ofisinin rəhbəri Andrey Yermak bildirib.
O deyib ki, hazırda ölkəsinin hava hücumundan müdafiə sistemlərinə çox ciddi ehtiyacı var:
“Bizim vaxtımız yoxdur. Bir daha qeyd edirəm ki, hazırda ölkəmiz kritik çağırışlarla üz-üzə qalıb. ABŞ-nin növbəti yardım paketi bu ay ərzində təsdiqlənməsə, vəziyyət daha da mürəkkəbləşəcək”.
