Onlayn qəzet

Digər kateqoriyalar

Baba-nəvə birləşdi: Dünyaya gül suyu ixrac edirlər

03:04 30.05.2024 Gündəm 417
Uşaq yaşlarından üzünü gül suyu ilə yuyan Gülşah Gürkanın uğur hekayəsi İspartadan başlayır. Gülşah əsl gül suyunun sirrini kəşf edib və indi dünyanın 10-dan çox ölkəsinə gül suyu ixrac edir. Bununla həm də, Türkiyənin İsparta bölgəsini dünyaya tanıdır. “Sherg.az” “Milliyet.com.tr”yə istinadən bildirir ki, Gülşah Gürkan İstanbulda anadan olub. Gülşah gül suyundan kosmetik vasitələr düzəldən nəslin davamçısıdır. 1965-ci ildən müxtəlif firmalara gül ləçəkləri satışı ilə məşğul olublar. Gülşah anadan olmadan öncə babası Mustafa Gürkan bankdan kredit almaq üçün müraciət edibmiş. Bankdan “hə” cavabı Gülşahın doğum xəbəri ilə eyni vaxta düşüb. Baba nəvəsinin doğumunu taleyin xoş qisməti sayaraq gülçülük istehsalını genişləndirməyə başlayıb. Hazırda Gülşah “Gülsha” adlanan müəssisənin rəhbəridir. Güllərin becərilməsi, toplanması, gül suyunun istehsalına rəhbərlik edir. Mövsümdə 4 ton gül ləçəyi toplayırlar. “Mən güllərin içində doğulmuşam. Babam Mustafadan çox şey öyrəndim, həyatım boyunca onu örnək aldım, ondan nümunə götürdüm. Gülçülər, fermerlər hər zaman babama inanırdılar, ona etibar edirdilər. Babamdan mənə yadigar qalan da bu inam hissidir. İllərdir dəyişməyən tərəfdaşlarımız var. Onlarla iş birliyimiz bu gün də davam edir. İlk dəfə babam xam məhsulun öz dəyərinə satılmasına qərar verib. O gündən bu günədək babamın qoyduğu qayda dəyişmir”, deyən Gülşah Gürkan orta təhsilini Türkiyədə başa vurduqdan sonra İngiltərədə menecerlik ixtisası üzrə ali təhsil alıb. Müxtəlif sahələrdə işləyib. Şəxsi biznesini qurmaq ən böyük xəyalı olub. Türkiyəyə qayıtdıqda gülçülük sahəsini inkişaf etdirmək qərarına gəlib. Bir çoxlarının gül suyu bilərək istifadə etdiyi maddənin, əslində, gül suyu olmadığını fərq edib. İspartada yetişən “Rosa Damascena” gülündən yağı tərkibində saxlanılan yeni bir məhsul istehsalına başlayıb. 2011-2012-ci illərdə yağın tərkibində qalan gül suyunu dünyaya tanıdıb. Hong Konqda keçirilən sərgiyə qatılıb. Orada gül suyu alıcısı şirkətlərlə müqavilə bağlayıb. Bütün məhsulu Çin, Hong-Konq, Tayvan şirkətlərinə satıb. Gülşah deyib ki, əsl gül suyunun tərkibində mütləq yağ olmalıdır. Yağ yoxdursa, bu, gül suyu deyil. Süni məhsuldur. Bir müddət sonra təbii gül yağ istehsalına başlayıb. Hazırda gül suyu və gül yağını dünyanın məşhur kosmetika firmalarına satır.

Oxşar xəbərlər

Kalininqrad modeli Azərbaycanın strateji maraqlarına uyğun deyil - ŞƏRH
Kalininqrad modeli Azərbaycanın strateji maraqlarına uyğun deyil - ŞƏRH
18:59 11.05.2026
Litva Hərbi Akademiyasının nümayəndə heyəti Azərbaycanda səfərdədir
Litva Hərbi Akademiyasının nümayəndə heyəti Azərbaycanda səfərdədir
18:43 11.05.2026
Minsk Qrupunun sükutla keçən 30 ili: Bakının ƏDALƏTİ zəfər çaldı
Minsk Qrupunun sükutla keçən 30 ili: Bakının ƏDALƏTİ zəfər çaldı
18:38 11.05.2026
İran və ABŞ arasında danışıqların ən ciddi problemi siyasi etimadsızlıqdır - ANALİZ
İran və ABŞ arasında danışıqların ən ciddi problemi siyasi etimadsızlıqdır - ANALİZ
18:30 11.05.2026
Əraqçi Səudiyyə Ərəbistanı XİN rəhbəri ilə İran-ABŞ danışıqlarını müzakirə edib
Əraqçi Səudiyyə Ərəbistanı XİN rəhbəri ilə İran-ABŞ danışıqlarını müzakirə edib
17:25 11.05.2026
Paşinyan: Azərbaycanla delimitasiyanın şimaldan cənuba doğru aparılacağı barədə razılaşma var
Paşinyan: Azərbaycanla delimitasiyanın şimaldan cənuba doğru aparılacağı barədə razılaşma var
16:49 11.05.2026

Xəbər lenti

Hamısına bax