Ermənistan parlamentinin spikeri Alen Simonyan ölkənin keçmiş prezidentlərini “seçilməmiş üçlük” adlandırıb.
Axar.az xəbər verir ki, bu barədə “Sputnik Ermənistan” məlumat yayıb.
“Onlar siyasi meyitlərdir. Nə Robert Köçəryan, nə də Serj Sərkisyan heç vaxt prezident seçilməyib. Levon Ter-Petrosyan isə 1996-cı ildə seçilməyib. Bu şəxslər seçilməyən üçlükdür”, - Simonyan jurnalistlərlə söhbətində deyib.
Simonyan Paşinyanın ötəngünkü çıxışını dəstəkləyib və bildirib ki, keçmiş prezidentlərin yalnız bir yolu var – debatlar:
“Üç keçmiş prezidentdən biri mənalı debat apara bilərmi? Biz hamımız onları yaxşı tanıyırıq".
