“Ermənistan ordusunun Ermənistanın beynəlxalq səviyyədə tanınmış ərazisindən kənarda heç bir işi yoxdur və ordunun vəzifəsi Ermənistanın beynəlxalq səviyyədə tanınmış ərazisinin mühafizəsini təmin etməkdir. Ordunun legitim işi budur və bu strategiya son iki-üç il ərzində konkret, ağlasığmaz nəticələr verib”.
Teleqraf xəbər verir ki, bunu Ermənistan Baş naziri Nikol Paşinyan deyib deyib.
Onun sözlərinə görə, Ermənistanın silah tədarükü bazarları əvvəllər çox məhdud olub, indi isə qeyri-məhduddur:
“Niyə bu məhdudiyyətlər götürülüb? Legitimlik strategiyasına görə. Çünki hər bir ölkə bizimlə hərbi-texniki sahədə əməkdaşlığa başlamaq barədə qərar qəbul edərkən, bu silahın qeyri-qanuni məqsədlər üçün istifadə oluna biləcəyindən çəkinmir”.
Paşinyan qeyd edib edib ki, keçmişdə ordu ölkə üçün birinci təhlükəsizlik sütunu və vasitəsi olub:
“Təəssüf, sonradan anladıq ki, əgər ordu təhlükəsizliyi təmin etmək üçün sizin bir nömrəli alətinizdirsə, bu, sizin təhlükəsizliyiniz olmadığı anlamına gəlir. Bu halda təhlükəsizlikdən danışmaq mümkün deyil”.
Baş nazir hesab edir ki, ordu 2-3-cü, hətta 6-cı yox, sonuncu təhlükəsizlik vasitəsi olmalıdır.
