Usta rejissor Tim Burton ilə məşhur İtalyan aktrisa Monika Belluççi, iki il davam edən münasibətlərinə son veriblər.
Sherg.az xəbər verir ki, Monika Belluççi, aktyor Vincent Cassel ilə evliliyindən iki qız uşağına sahibdir və 2023-cü ildə usta rejissor Tim Burton ilə yeni bir sevgi macərasına başlamışdı. “Elle France”a verdiyi müsahibədə Belluççci, Tim Burton ilə münasibətini “Bəli, ona aşiqəm” sözləri ilə təsdiqləmişdi.
“Beetlejuice 2” (Beterböcək 2) filmində də rol alan məşhur aktrisa sözlərinə belə davam edib: “Necə deyə bilərəm… Hər şeydən əvvəl onunla qarşılaşdığım üçün çox xoşbəxtəm. Bu, insanın həyatında nadir rastlaşa biləcəyi anlardan biridir. Onu tanıyıram, sevirəm. İndi isə onun rejissor tərəfini tanıyıram. Yeni bir macəra başlayır.”
Məşhur cütlük, 18-ci Roma Film Festivalında qalaya əl-ələ qatılaraq münasibətlərini rəsmi şəkildə elan etmişdi.
Münasibətlərini gözlərdən uzaq saxlamağı üstün tutan Monika və Tim Burtondan indi kədərli xəbər gəlib.
AFP-yə birgə açıqlama verən cütlük ayrıldıqlarını bildirib. Açıqlamada qeyd olunub ki, ikili bir-birinə qarşı böyük hörmət və dərin maraqla ayrılmaq qərarına gəlib.
