Bu gün Sankt-Peterburqdan 300 km məsafədə yerləşən Finlandiyanın Mikkeli şəhərində NATO-nun Quru Qoşunlarının qərargahının rəsmi açılışı olub.
APA xəbər verir ki, bu barədə Finlandiyanın müdafiə naziri Antti Hyakkänen özünün “X” hesabında bildirib.
“2023-cü ilin payızında biz NATO üzvü kimi qarşımıza ilk vəzifəmizi qoyduq - Finlandiyada NATO-nun qərargahının yerləşdirilməsini təmin etmək. 2024-cü ilin iyununda NATO müdafiə nazirlərinin görüşündə məqsədimiz təsdiqləndi. İndi bir il sonra, Finlandiyada qərargahı açırıq”, - müdafiə naziri mərasimdə deyib.
Hyakkänen qeyd edib ki, qərargahın fəaliyyəti NATO-nun təhlükəsizliyini gücləndirəcək, eyni zamanda, Finlandiyanın təhlükəsizliyini artıracaq.
Finlandiya Müdafiə Nazirliyinin bəyanatında isə qeyd olunub ki, qərargah Şimali Avropada NATO-nun Quru Qoşunlarının fəaliyyətini planlaşdıracaq və əlaqələndirəcək: “Adi şəraitdə qərargah NATO təlimləri və digər tədbirlərin keçirilməsinə cavabdeh olacaq, fövqəladə hallarda isə Şimal Uzaqlarında quru əməliyyatları və müdafiəni idarə edərək planlaşdıracaq”.
