ABŞ kəşfiyyatının qiymətləndirməsinə görə, İsrailin Livan ərazisinə qarşı yeni hərbi əməliyyatlar keçirməsi ehtimalı qalır.
Sherg.az xəbər verir ki, məlumata əsasən, İsrailin baş naziri Benjamin Netanyahu ölkə daxilində ciddi siyasi təzyiqlərlə üzləşib ki, bu da Livana qarşı növbəti hücumlara səbəb ola bilər.
Mənbələrin bildirdiyinə görə, İsrail ordusunun Hezbollah tərəfindən həyata keçirilən hücumlara cavabsız qalacağı inandırıcı görünmür. Halbuki tərəflər iyunun 19-da yenidən atəşkəs barədə razılığa gəliblər.
Bununla yanaşı, İsrail-Livan sərhədində gərginliyin artması ABŞ ilə Iran arasında aparılan diplomatik danışıqlara da mənfi təsir göstərir. Məlumata görə, İsveçrədə keçirilən danışıqlar İsrailin hərbi əməliyyatları fonunda çətinləşib.
Son günlər İsrailin Livanın cənubuna endirdiyi hava zərbələri nəticəsində azı 16 nəfərin həlak olduğu bildirilir. İran isə bölgədə sülhün bərqərar olunmasına çağırışlarını davam etdirir.
