İstanbul Ticarət Universitetinin tanınmış alimləri, Prof. Dr. Abdullah Avey, Prof. Dr. Doğan Kaya və Prof. Dr. Mehmet Sezgin Stanford Universitetinin apardığı araşdırma nəticəsində "Fəaliyyət boyu təsir" kateqoriyasında “Dünyanın Ən Nüfuzlu Alimləri Siyahısı”na daxil ediliblər.
"Sherg.az" xəbər verir ki, Stenford Universitetinin alimləri tərəfindən hər il hazırlanan dünyanın ən nüfuzlu alimlərinin son siyahısını bu yaxınlarda elmi, texniki və tibbi məzmun üzrə ixtisaslaşmış, Hollandiyada yerləşən "Elsevier" nəşriyyatı dərc edib.
Qeyd edək ki, dünyaca məşhur azərbaycanlı professor Abdulla Sofiyev (Avey) "Beynəlxalq mexanika" jurnalının redaksiya heyətinin üzvüdür. 13 magistr və 5 elmlər doktoru yetişdirib. 300-dən artıq fundamental elmi məqaləsi mühəndislik, nanomaterial, kompozitlər, tətbiqi riyaziyyat və fizika jurnallarında çap olunub. Məqalələrinin 165-i çox mötəbər beynəlxalq (SCİ) jurnallarında işıq üzü görüb.
Türkiyənin bir çox universitetlərində və Almaniyanın Karleruhe Universitetinin Texniki Mexanika İnstitutunun elmi layihələrdə iştirak edən A.Sofiyev TUBİTAK və NATO dəstəkli layihələrdə uğurla iştirak edib.
