ABŞ Prezidenti Co Bayden şənbə günü Hindistanın Baş naziri Narendra Modi ilə keçirdiyi mətbuat konfransında çaşqın vəziyyətə düşüb.
Axar.az xəbər verir ki, bu barədə "Foks Nyus" məlumat yayıb.
Məlumata görə, hadisə Baydenin Delaver ştatının Vilminqton şəhərində Hindistanın baş nazirini təqdim etməli olduğu vaxt baş verib. Bunun əvəzinə o, çaşqın görünüb və jurnalistlərdən sual gözləyib. Qısa fasilədən sonra diktor Modini təqdim edib.
"Burada olduğunuz üçün hamınıza təşəkkür etmək istəyirəm. Bəs mən növbəti kimi təqdim edirəm? Növbəti kimdir?" - deyə Bayden qışqırıb, bundan sonra bir neçə saniyə sükut hökm sürüb.
