ABŞ Prezidenti Co Baydenlə Respublikaçılar partiyasından prezidentliyə namizəd Donald Tramp arasında ilk üzbəüz debatın yeri və tarixi açıqlanıb.
Axar.az xəbər verir ki, CNN iyunun 27-də yerli vaxtla saat 21:00-da Atlanta şəhərində yerləşən binasında debata ev sahibliyi edəcəyini bildirib. Debat telekanal vasitəsilə canlı yayımlanacaq.
Qeyd edək ki, bu gün Co Bayden sosial media vasitəsilə müraciətində sabiq prezident Donald Trampı debata çağırıb, Tramp isə cavabında hazır olduğunu və bunu istədiyini bildirib.
