Britaniyanın media nəhəngi BBC ixtisarlara başlayıb. Əvvəlcə 550 iş yeri ixtisar ediləcək.
Azərtac xarici mediaya istinadən xəbər verir ki, bu barədə şirkət məlumat yayıb.
Qeyd olunub ki, ixtisarlar xəbərlər və kontent seqmentlərini əhatə edəcək. Nəticədə bəzi proqramlar bağlanacaq.
Bu tədbirlər nəticəsində teleradioyayım korporasiyası illik xərclərini təxminən 160 milyon funt-sterlinq azalda biləcək.
O da bildirilib ki, korporasiya üç il ərzində təxminən 2 min əməkdaşı işdən çıxarmağı planlaşdırır. Bu isə şirkətə xərclərini 500 milyon funt-sterlinq azaltmağa imkan verəcək.
