Ukraynada fəaliyyət göstərən dövlətlərin və beynəlxalq təşkilatların diplomatik nümayəndələri Kiyevdə ballistik raket zərbəsinin endirildiyi ərazidə olublar.
Teleqraf xəbər verir ki, bu barədə Ukrayna Prezidenti Volodimir Zelenski bu barədə sisoal şəbkə hesabında yazıb.
V. Zelenski sözügedən raket zərbəsinin 12 insanın həyatına son qoyduğunu, yaşayış evlərini dağıtdığını qeyd edib. O yazıb: “Xilasetmə əməliyyatı bu yaxınlarda başa çatıb. Səfirliklərin 50-dən çox nümayəndəsi, eləcə də beynəlxalq təşkilatların nümayəndələri bu gün bizimlə birgə qurbnaların xatirəsini yad etdilər. Rusiyanın ballistik raketləri ilə kimə (dinc sakinlər nəzərdə tutulur – red.) hücum etdiyini bütün diplomatlar öz gözləri ilə gördülər”.
Ukrayna Prezidenti ənənəvi olaraq, ölkəsinin yanında olan bütün dövlətlərə təşəkkür edib: “Avropa, Latın Amerikası, Afrika, Asiya, Avstraliya və Sakit okean regionu, Şimali Amerika - bizə dəstək olan bütün tərəfdaşlara, həmçinin dövlətimizə kömək edən və ukraynalıları dəstəkləyən bütün beynəlxalq təşkilatlara təşəkkür edirəm”.
