Tbilisidə səfərdə olan ABŞ dövlət katibinin köməkçisi Ceyms Obraynın Baş nazir İrakli Kobaxidze ilə görüşü başa çatıb.
APA-nın Tbilisi müxbiri "Mtavari Arxi" telekanalına istinadən xəbər verir ki, görüş planlaşdırılandan daha çox - 2 saat çəkib.
Obrayn Kobaxidze ilə görüşdən sonra müxalifət və QHT-lərlə görüşəcək.
Qeyd edək ki, hakim "Gürcü Arzusu" partiyası bu gün "Xarici təsirin şəffaflığı haqqında" qanun layihəsini parlamentin plenar sessiyasında üçüncü və sonuncu oxunuşa çıxararaq qəbul edəcəyini bəyan edib.
***
12:09
ABŞ dövlət katibinin köməkçisi Ceyms Obrayn Gürcüstana gəlib.
APA-nın Tbilisi müxbiri xəbər verir ki, diplomat hazırda hökumət administrasiyasında Baş nazir İrakli Kobaxidze ilə görüş keçirir.
KİV-in məlumatına görə, Kobaxidze Obraynı binanın girişində qarşılamayıb.
