Sənaya edilən hava hücumlarından sonra da husilərə qarşı əməliyyatlar davam edəcək.
Axar.az xəbər verir ki, bunu İsrail Baş naziri Benyamin Netanyahu deyib.
“Bizə kim hücum edərsə və ya hücum planlaşdırarsa biz də ona hücum edəcəyik. Deyəsən, bütün bölgə artıq İsrailin gücünü və qətiyyətini anlamağa başlayır, - Netanyahu bildirib.
Qeyd edək ki, İsrail ordusu dünən Yəmənin paytaxtı Sənada Prezident Sarayı ərazisində iki elektrik stansiyası və yanacaq anbarının yerləşdiyi hərbi kompleksə hava hücumu edib.
