Türkiyə Prezidentinin həyat yoldaşı Əminə Ərdoğan, ABŞ Prezidenti Donald Trampın xanımı Melania Trampa Qəzzadakı humanitar böhranla bağlı məktub göndərib.
Sherg.az xəbər verir ki, məktubda Əminə Ərdoğan, Melania Trampın Ukraynadakı müharibəyə göstərdiyi həssasiyyəti yüksək qiymətləndirdiyini, eyni diqqətin Qəzadakı uşaqlar və mülki əhali üçün də göstərilməsini istədiyini bildirib. O, Qəzzada minlərlə uşağın həyatını itirdiyini, hər 45 dəqiqədə bir uşağın öldüyünü vurğulayıb.
Ərdoğan, Melania Trampdan İsrail Baş naziri Netanyahuya da humanitar çağırış edən bir məktub göndərməsini təklif edib. Məktubda Fələstinli uşaqların da Ukraynalılar kimi eyni xoşbəxtlik və azadlığa layiq olduğu, beynəlxalq hüququn və humanist dəyərlərin qorunması üçün birgə səy göstərilməsinin vacibliyi qeyd edilib.
“Dünya sükut etsə də, uşaqlar üçün hələ ümid var” deyən Əminə Ərdoğan, Qəzzada sağ qalan bir milyon uşaq üçün hələ gec olmadığını vurğulayıb.
