FETÖ və FETÖ-yə bənzər quruluşların dövləti zəhərləməsinə, dövlət daxilində feodal və imtiyazlı qruplaşmalar yaratmasına qətiyyən imkan verməyəcəyik.
Axar.az xəbər verir ki, bunu Türkiyənin Milliyyətçi Hərəkat Partiyasının (MHP) sədri Dövlət Baxçalı deyib.
“Bu prosesdə Prezidentimizin (Rəcəb Tayyib Ərdoğan) yanındayıq. Demokratiyaya qarşı olanlara səssiz qalmayacağıq”, - partiya sədri vurğulayıb.
Xatırladaq ki, bir neçə gün əvvəl Prezident Rəcəb Tayyib Ərdoğan gecə saatlarında kəşfiyyat və Ədliyyə Nazirliyinin rəhbərləri ilə təcili toplantı keçirib. Buna səbəb Dövlət Baxçalının dövlət çevrilişi cəhdi ilə bağlı etdiyi xəbərdarlıq olub. Bunun ardınca istintaq başlayıb və həbslər olub. Həbs olunanlar arasında polis rəisləri də var.
