Suriyanın devrilmiş prezidenti Bəşər Əsəd ölkədən sağ qaçmaq üçün çıxılmaz tədbirlərə əl atıb.
Lent.az bildirir ki, Səudiyyə Ərəbistanının “Elaf” qəzeti Suriyanın keçmiş prezidenti Bəşər Əsədin Rusiyaya qaçmazdan əvvəlki günlərdə əsas hərbi məlumatları İsrailə ötürmək üçün çıxılmaz addım atdığını yazıb.
Mənbələrin bildirdiyinə görə, Əsəd Avropadakı etibarlı vasitəçi vasitəsilə İsrailə kömək istəyi ilə yaxınlaşıb, özü və ailəsi üçün təhlükəsizlik zəmanəti müqabilində qiymətli kəşfiyyat məlumatları təklif edib.
İsrail Suriyada baş verənlərdən narazılığını bildirsə də, qarşıya dəqiq şərt qoyub: İran qüvvələrinin ölkə ərazisindən tamamilə çıxarılması. Əsəd buna cavab olaraq Suriyanın silah anbarlarının, raket buraxılış qurğularının və hərbi təyyarələrin yerləşdiyi hava bazalarının yerləşdiyi xəritəni verib. Bu addım İsrail ordusunun Əsədi aparan təyyarəni Suriyadan vurmamasını təmin etmək məqsədi daşıyıb.
Bu məlumatların ötürülməsi özünün mühasirəyə alındığını və dəstəkdən məhrum olduğunu görən Əsədin ümidsizliyinin dərəcəsini göstərə bilər. İsrail də öz növbəsində regiondakı strateji əməliyyatlarına əhəmiyyətli dərəcədə təsir edə biləcək məlumatlar əldə edib.
