“Alyaska və Vaşinqton sammitləri Rusiya lideri Vladimir Putinə tam istədiyini verdi”.
Teleqraf xəbər verir ki, bunu Avropa İttifaqının (Aİ) xarici siyasət xidmətinin rəhbəri Kaya Kallas deyib.
Aİ rəsmisi Putinin ABŞ Prezidenti Donald Trampın Ukrayna və Rusiya arasında sülhə nail olmaq səylərini ələ salıb güldüyünü bildirib.
Kallas hesab edir ki, Trampın Ukraynadakı müharibəni bitirmək səyləri Rusiya liderinə böyük təbliğat qələbəsi qazandırıb:
“Rusiya sülh istəmir. Putin indiyədək verdiyi bütün vədləri yerinə yetirməyib. Alyaska görücü Kreml üçün PR cekpotu oldu”.
Aİ-nin baş diplomatı Trampın atəşkəsə nail olmaq səylərini alqışlayıb, amma Putinin Alyaska görüşündən sonra danışıqlar masasına əyləşməyə daha az meylli olduğunu, çünki həmin sammitdə istəyinə nail olduğunu iddia edib: “Putin sadəcə gülür, cinayətləri dayandırmır, əksinə, onların sayını artırır”.
