Avropa İttifaqı rəsmilərinin Avropa Komissiyası rəhbəri Ursula fon der Lyayenin istefasını getdikcə daha çox istədikləri bildirilir.
Oxu.Az xəbər verir ki, bu iddia ilə İsveçrənin "Die Weltwoche" jurnalı çıxış edib.
Məlumata görə, Brüssel Aİ Komissiyası sədrinin istefasının bir çox prosesləri dalandan çıxara biləcəyinə inanır.
Brüsselə görə, Aİ-dəki siyasi böhran fon der Lyayenin siyasi və diplomatik bacarıqsızlığının nəticəsidir. Qərbdə ABŞ ilə ticarət münaqişəsi, şərqdə Ukrayna münaqişəsi və Rusiya ilə münasibətlərin kəskinləşməsi, üstəlik Çin ilə ümidverici olmayan əlaqələr davam edir.
Qeyd edək ki, ABŞ Prezidenti Donald Tramp andiçmə mərasimindən (20 yanvar 2025) sonra Aİ Komissiyasının sədri ilə görüşməyib.
